Tuesday 16 September 2014

اولا المشاكل الى ممكن تقابلك فى الكلية وازاى ممكن تحلها

05:26
سنه اولى اهلا بيكم معانا فى كلية العلوم نورتونا  :) 



معظمكم دخل كلية العلوم عشان مالحقش صيدلة او هندسة او بيطرى او اى كلية من الى بيقولو عليها كليات القمه دى 

وفى ناس ودى فئه قليله الى دخلتها حبا فيها مش التنسيق الى جابها ..المهم احنا انهاردة حانتكلم عن كل المشاكل الى ممكن تواجهك فى الكلية وطريقة حلها ان شاء الله 


  • اولا الغه الانجليزية 

 طبعا احنا نعرف ان معظم دراسة  الكلية با الانجليزى والى بيفكر ياخد كورسات ودورات عشان يتعلم الانجليزى وقلقان اطمنوا 
ماتخافوش مفيش داعى للكلام دا وحكاية الكورسات دى انت بس فى الاول حاتلاقى الموضوع مكلكع شوية بس بعد كدا  حاتتعود 
وحاتلقيها سهلة خالص بأذن الله وحتى الدكاترة بيبقو عارفين انكم لسة جداد وحايسهلو الموضوع عليكم ومش بيدققوا على سنة اولى ..


  • ثانيا مشكله الوقت 

    حاتلاقى نفسك معظم اليوم بتقضية فى الكلية ومرهق وتعبان ومش قادر تذاكر حاجة بس ماتخافش وماتقلقش بوص كل الى عليك انك تذاكر بس الى اختة فى المحاضرة مذاكرة عادية خالص وتطلع المصطلحات الى مش عارفها او مش فاكرها وتترجمها وبعد كدا تذاكرها تانى كويس وممكن قبل المحاضرة تبوص فيها على السريع وبكدا بأذن الله مش حاتنسى المحاضرة دى وسبها على الله وماتقلقش


    ثالثا الكليه صعبة وموادها كتير

    بوص الى يقولك الكلية صعبة وعاوزة مذاكرة كتير ودح والكلام دا فكك منه هو بيقولك كدا عشان ماعرفش يدخل الكلية دى وقولو دى كلية العلماء كلية احمد زويل وسمرة موسى وكل العلماء حوول العالم الى غيروا حياتنا حاتلاقى كلية العلوم داخلة فى كل حاجة حولينا من اول الملابس الى انت لبسها والكمبيترو الى انت قاعد علية دولقتى والموبايل وكل حاجة فا ماتخلهومش يأثروا عليك وفكك من كلامهم

    • رابعا الاصحاب


      ماتصاحبش اى حد كدا وخلاص اختار الصاحب الى يشدك ديما للخير ويعينك على طاعة ربنا والمذاكرة وكدا وان شاء الله خير .



      وممكن تحمل الكلام دا كلة

       للتحميل 



      وبكدا نكون انتهينا

      دمتم بخير والسلام عليكم ورحمة الله وبركاتة

0 التعليقات:

Post a Comment